Sunday, February 2, 2014

හෘද ප්‍රලාපය

ඇරඹෙන්ට තිබු නමුත් හරි හැටි නො ඇරඹුනු 
නිමවෙන්ට තිබු තැනත් නොදැනීම පසු වුනු 
වංකගිරි මගක කොහේදෝ නතරවුණු 
යමක් ඇත ලියන්නට පද තවම සැඟවුණු 

මගක් බෙදුණු පසු එක මග නොයනු ඇති 
සරත් පත් එකින් එක සිසිරය පැහැරගති 
තරුත් නිවී යයි සඳ වත පැමිණ නැති 
කදෝකිමි අපට අඳුරත් පුරුදු වෙති 

මලක් නම් පිපෙයි පරවෙයි ඒ ස්වාභාවිකයි .
රළක් නම් ඇදෙයි විසිරෙයි හඬා වැටෙයි
බිඳෙයි බිඳුනු දේ විසිරෙයි යළිදු තැනෙයි .
බිඳෙන්නට හදක් ඇති එක නම් හොඳයි තමයි .

No comments:

Post a Comment