දෙවියෝ කියන්නෙත් අපි වගේම බොහොම සාමාන්‍ය කෙනෙක් . කරන්න පුළුවන් දේ වගේම බැරි දේ තියෙන . කරන්න බැරි දේවල් ගැන දුක හිතෙන . සමහර දේවල් අමතක වෙන .සමහර දේ උවමනාවෙන්ම අමතක කරන . හැබැයි දෙවි කෙනෙක් උනාම දුකකදි අඬන්න වැළපෙන්න නම් බැරුව ඇති . ඇයි මිනිස්සු හරියට බලාපොරොත්තු තියාගෙන ඉන්නවනේ දෙවියෝ ගැන . දෙයියන්ට බැරි නම් ඉතින් කාටද පුළුවන් නේද . දෙවියෝ ගැන එක එක පොත් වල එක එක දේවල් ලියල ඇති . හැබැයි ඒ මිනිස්සු දෙවියන් ගැන හිතන දේවල් මිසක් දෙවියෝ මම මෙන්න මෙහෙමයි කියල කියපු දේවල් නෙවෙයි . මිනිස්සු තමන්ට ලඟා කරගන්න බැරි දේවල් දෙවියෝ කියන ෆැන්ටසිය ඇතුලට බලෙන් එබ්බුවට ඕවා සේරම කරන්න ඒ මනුස්සය කියල දෙවියෙක්ද දෙයියනේ !
ඇත්තම කතාව මේකයි . දෙවියෝ හරිම සාමාන්‍ය කෙනෙක් . අපි බාග වෙලාවට දැකල තියෙන්නත් පුළුවන් . සරමක් කමසයක් ගහගෙන එලවලු මල්ලකුයි සිනි බනිස් ගෙඩි දෙකතුනකයි අතින් අරන් යනගමන් අපිත් එක්ක හිනා වෙලත් ඇති . හැබැයි අපි තාම අඳුරගෙන නෑ ඔහුව හරියට . මෙහෙම කියාගෙන යද්දී මහා හුරු පුරුදු හැඟීමක් එනවා නේද හිතට . ඔව් පුදුම වෙන්න දෙයක් නෑ . දෙවියෝ කියන්නේ වෙන කාටවත් නෙමෙයි . අපිට ! . හැබැයි අපිට අපිව අඳුනගන්න බැරි එක තමයි ප්‍රශ්නෙ ....... !
No comments:
Post a Comment