කේඩෑරි තුරු මතඉඳ හිට පතිතවන හිම කැටිතිත්,සඳුදාව සංසිඳවනු පිණිස
නික්ම ගියපසු උදෑසන රිය පෙළ
ඉතිරිවූ රථ කිහිපයත්,
අතරින්
මන්දෝත්සාහීව ගලා යයි,
ජනේලයෙන් එපිට ජීවිතය.
සිරි ගුණසිංහයන් කිවූ පරිද්දෙන්,
'මදසුන් කුහරයෙහි හිස තුළ
පල්වෙන්නට දමා තිබෙන
අදහස් ලී කොටන්' හැම
ප්‍රතිශ්‍යා දාහයෙන් තවමින්
ප්‍රතිජීවක නිද්‍රාවෙන් නළවමින්
බුබුලු නංවමින් මතුව එමින්
යළිදු මොහොතකට නිහඬවෙමින්
මන්දෝත්සාහීව ගලා යයි
ජනේලයෙන් මෙපිට ජීවිතය.
23-01-2017
Where is she ?The one with glitterThe one with charmHad the clock struck midnight And She became a pumpkin !Was i the pumpkin all along .
සිඳු රළ ද අප දපැමිණෙමින් නික්මෙමින්.මතකයන් මැකීයමින්සියල්ල ,සිදුවිය යුතු පරිද්දෙන්ම සිදුවෙමින්.වෙරළ සියල්ලම දකිමින්විටින් විට වැළි අතරමතකයන් සඟවමින්.එද කිසිවෙකුදු නොදකිමින්පැමිණෙමින් නික්මෙමින්සියල්ල නැවතත්,සිදුවිය යුතු පරිද්දෙන්ම සිදුවෙමින්.
කඳුළු දඉකිගැසුම් දවිටෙක හෙලෙන සුසුම් දබලාගත් අත බලා සිටීම දමද නිහඬතාවයන් දඅවසන මන්දස්මිතයන් ද වශයෙන්ඍතු සහිතය විරහව.ඉදින් පසු කරනු හැර ක්‍රමිකව අන් මගක් නැත.
දැවී අළු වී ගිය බිමක කෙසේ නම් දළුලනු හැකි වෙදනිධන්ගත සිහින.සිතා සිටියාට එහෙම අප ,සිහිනයටම විෂය වන අපූර්ව පැවැත්මක් තිබෙන.ෆීනික්ස් පක්ෂියෙකු මෙන්අළු තුලින් නැගිට එන.
නෑසේද බහිරව ගායනානිදානය ගැන නිතරමමතක් කරමින් ගැයෙන.මතක විය නොහැකි වෙද ඒ ?නිදන් කර දමන ලදනමුත් තවමත් දෝංකාර දෙන !
එක්තරා තැනක් ඇතපහන් නිවී ගිය පසුසෙවනැලි විඩා හරින.අපද එක් සමයක එතැන හිඳ විඩා හල අය.
දාම වල පහළ අය ඉහළ අයගේ ගොදුරුය.ඉහළ යැයි හිතාගෙන ඉන්නා අයඊටත් ඉහළ අයගේ ගොදුරුය.
අහසින් බට දේ යලිත් අහසටමයගඟ මුහුද අතරමැදියන් පමණය !
යම් වියමනක් කවියක් ලෙස පරාමිතිගත කොට විඳිම මෙන්ම ඉන් ඔබ්බට ගොස් කවිය සම්බන්ද තමාගේ කියැවීම නිර්මාණකාරී විවේචනයක ස්වරූපයෙන් ප්‍රතිපෝශනය කිරිම ද අනෙකාගේ නාස් කෙලවරට මයික්‍රෝ මීටරයක් මෙහා වන තෙක් ඇති සැරයටිය වැනීමේ අයිතිය මෙන්ම කියවන්නා සතු අයිතියක් බව මම විශ්වාස කරමි. නමුත් කවිය නම් මෙය මැයි මෙය පමණක්මැයි ආදී වශයෙන් වැට කඩුලු තනන්නා වූ මතවාදීමය සියලු සංස්කෘතික පොලිසි වලින් එකහෙලා විතැන් වෙමි.
